nun tris uruguay tempus fugit

27/10/2009

Les Noticies 27/10/2009

Nun Tris va llevar l'espectáculu «Tempus fugit» a Uruguái

La compañía teatral Nun Tris va llevar el so espectáculu Tempus fugit a Uruguái, nuna xira que principia'l 29 d'ochobre en Montevideo. Hasta'l 5 de payares, la formación asturiana va representar esta obra en delles localidaes del país llatinoamericanu. La so propuesta teatral consiste nun repasu d'escenes de la lliteratura dramática en castellanu, dende'l principiu hasta l'actualidá, cola particularidá de qu'ésti ta tratáu dende'l puntu de vista de la muyer.

En Tempus fugit dos actrices van a la busca de les «píldores de la memoria» guardaes nun teatru abandonáu. Nesta indagación les protagonistes descubren y interpreten escenes de clásicos como La Celestina, Fuenteovejuna o La Casa de Bernarda Alba. Les dos actrices son Arantxa Fernández y Lara Herrero y el montaxe ta dirixíu por Toño Caamaño y Inma Rodríguez.

La xira faise coles ayudes del Conceyu de Xixón y la Conseyería de Cultura. Amás, Nun Tris recibió la collaboración del Institutu Nacional de la Muyer d'Uruguái y de dellos conceyos d'esti país.

http://www.lesnoticies.com/lesnoticies/noticies/unviar_noticia/4803/