El arcu triunfu y les portaes tienen interesante decoración. El primeru perfáenlu tres arquivoltes afitaes en columnes con capiteles hestoriaos y con motivos vexetales.

Las dos portaes tienen distintu númberu de arquivoltes: tres la oeste y principal (a los pies del templu) y dos la sur; tan protexíes por guardapolvos y apoyaes n'impostes, con seis capiteles na primera, y dos y les xambes na segunda. Los motivos son decorativos (axedrezados, zigzag, rollos...), animalísticos (cabeces de picu, aves...), vexetales y antropomórficos (home ente lleones, músicu...).