Aire

LA OBRA

Esti espectáculu concasa con una corriente creativa inédita hasta'l momentu na nuesa comunidá, y que vien dándose en dalgunes comunidaes como Euskadi o Galicia, onde grupos y compañíes de prestixu plantéguense investigar so les tradiciones de los sos territorios, non solo en cuantes a danza sinón tamién so costumes populares y otres amueses, pero dándo-y siempres una llectura contemporánea onde lo popular y tradicional nun muerre porque s'afaya nes nueves formes de vida y d'espresión.

Fonderada y desendolque del espectáculu: 

Nel nuesu espectáculu ¡Aire! la visibilidá de lo tradicional y/o popular sofítase nuna idea central o llinia d'aición que ye la que nos lleva a la creación de les coreografíes y de les secuencies que nella se dan. Pártese de la idea del ruinismu o post-catástrofe, ya identifícase cola realidá inmediata; ello ye, el llugar onde se desarrolla l'aición realmente, nesti casu Asturies, que carez les consecuencies del desaniciu y del escaezu; dende esa situación cimera trátase de perfilar un nuevu horizonte onde puedan reconocese les nueves vivencies d'una manera clara y ñidia.

P¡aportar a esti puntu, la dramaturxa empecipió a crease a partir de “secuencies de memoria”. Partiendo de la premisa de la verdá escénica, estes secuencies, que coincidirán coles que se plantegan nel espectáculu final, trátense como trozos de realidá perdida nun caos, como güelgues nes que nos reconocemos.

Executantes:

Ana Serna

Izar Gayo

Lauren Atanes

Espaciu sonoru: Antón Caamaño

Poemes d’Ignaciu Llope, Marta Mori, Antón García y Pablo Texón. Música de la soberana Alta la cara: Carlos Rubiera

Gaiteru: Illán Escalada

Vistimienta: Aia del Castillo

Idea orixinal y Direición: Inmaculada Rodríguez

FICHA RESUME DE LA OBRA: Descargáila equí

VIDIU COMPLETU DE LA FUNCIÓN: