La Reina la Guapura de Leenane

PREMIU OH! 2021 A LA MEyOR INTERPRETACIÓN FEMENINA (Izar Gayo)

PREMIU OH! 2021 A LA MEYOR ESCENOGRAFÍA (Klara Kónkoly-Thege)

PREMIU NEL AMARO AL MEYOR ESPECTÁCULU EN LLINGUA ASTURIANA

 

Martin McDonagh. ye dramaturgu y director de cine angloirlandés, qu'acostuma a utilizar nes sos producciones dramátiques recursos como la violencia, o’l sarcasmu, según un estilu realista, con gran influencia cinematográfica. Considérase que cultiva una estaya estrema del Teatru de la Crueldá, conocida como In-yer-face, corriente artística onde podría allugase a autores como Sarah Kane, y qu'inciden na vertiente violenta y grotesca de les situaciones p’atropar l'atención del espectador.

  

Izar Gayo ya Inma Rodríguez nuna escena de la obra

 

 

  • L’argumentu

 

La reina la guapura de Leenane ye un drama sobro la soledá, la sinceridá y les relaciones ente les persones y la familia, y qu'amuesa como munches vegaes se repiten los erros y fracasos de los que vinieron primero que nós. Nun ambiente humilde y sórdidu, na Irlanda de los años 80, nuna sociedá víctima de la emigración, nun contestu de violencia y crisis idiomática ya identitaria, Maureen, la protagonista, caltién una relación percomplicada cola so madre. Ella tien 40 años y ye virxe, y la so madre, Mag, ye prácticamente una inválida, anque según la so fía, desaxera los sos problemes.

 

Una cenciella invitación pa dir a una fiesta va camudar el destín de dambes. Maureen va asistir, anque la so madre va facer tolo posible pa torgalo, y ellí va realcontrase con Pato Dooley, un vieyu amigu que siempres la consideró "la reina la guapura de Leenane". Dambos van pasar la nueche xuntos (anque nun van llegar a peracabar), y Pato fadrá-y saber que llueu va tener que volver a dise. Ray, l’hermanu de Pato, fai de mensaxeru ente ésti y Maureen, anque los mensaxes nunca lleguen a la so destinataria por aciu de Mag, lo que-y va acarretar consecuencies graves.

 

 

La reina la guapura de Leenane

 

Maureen Folan

Izar Gayo

Ray Dooley

Diego Lombardía

Mag Folan

Inma Rodríguez

Pato Dooley

Carlos Alba

 

 

Dirección

Antón Caamaño

Ayte direcc. y producción

Inma Rodríguez

Escenografía

Klara Konkoly-Thege

 Arreyu a Teaser de la obra

:

 

Arreyu a obra completa: