Los amorinos de Bastián y Bastiana

LA OBRA

Los amorinos de Bastián y Bastiana ye una ópera (Singspiel), de unos 45 min de duración, que W. A. Mozart compuso a los 12 años d'edá. y que ta pensada pa públicu familiar, o pa eños y neñes.

La historia se desenvuelve nuna villa rural d’Asturies, nun tiempo que pue ser finales del sieglu XIX o principios del XX. La pastorina Bastiana tien mieu de perder l’amor de Bastián. Va a ver a un bruxu, Colás, pa volver a namoralu. Colás piensa que nun ye que Bastián dexara d’amala, si non que sucumbió a los encantos de cierta “noble dama que vive nel palaciu”. Aconseya a Bastiana que faga la maña como qu’ama a otru. Asina, el pastor Bastián tien mieu que Bastiana nun lu quiera y tamién va a ver al bruxu Colás, que-y asegura l’amor de Bastiana con un conxuru máxicu (Diggi, Daggi).

Cuando ve que Bastiana tien un comportamiento un tanto ”desapegáu”, Bastián amenaza con tirase al ríu, pero Bastiana nun lu dexa. A la fin, los amantes abrácense y fina la ópera colos preparativos pala boda, con un pequeñu triu cantáu al final.

FICHA ARTÍSTICA:
Bastiana: Vanessa del Riego (sopranu)
Bastián: Cristóbal Blanco (tenor)
Colás: Antón Caamaño (baxu cantante)
Pianista: Mario Álvarez

Orixinal de W. A. Mozart. Igua y torna d’Antón Caamaño.
Ayte. Direición: Inmaculada Rodríguez
Escenografía: Pablo Maojo
Direición escénica: Antón Caamaño

IDIOMA DE LA REPRESENTACIÓN: Asturianu

Pues descargar la ficha del espectáculo equí: Ficha

VIDIU DE LA REPRESENTACIÓN: