El pelegrín valiente

La obra:

Un guah.e perezosu y folgazán atópase con una situación inesperada; tien que ayudar a una neña que ta enferma, y pa sanala tien siguir unos realizar tres trabayos: Prender un fueu, peinala nuna fonte al amanecerín, y facela espirriar tres veces. Pa consiguir too eso pasará munchos apuros; va atopase con personaxes que nun-y van dexar siguir el so camín: un diañu burllón, una xana encantexada ya inclusive tendrá qu’encarase con un gran dragón xigante. Toes estes aventures tán ambientaes nun viaxe máxicu que tanto Pere, el neñu folgazán, como Mina, la neña enferma entamarán, deprendiendo a solucionar toles dificultaes qu’atopen pel camín. El camín de les estrelles, Santiago de Compostela...

¿Por qué?

Ye un rellatu d’Antón García, un nomáu autor asturianu, y anque l’aición s’asitia n’Asturies, nun se pretende facer un espectáculuy de calter llocalista; más bien al contrariu. El personal implicáu na producción son artistes profesionales; la direición y ayudantía d’escena recae en direutores d’escena titulaos; y la escenografía y el diseñu gráficu la realicen artistes plásticos reconocíos.

L’argumentu y la peripecia tán rellacionados con dellos aspeutos culturales que la compañía vien trabayando dende fai tiempu nes sos puestes n’escena y proyeutos: l’arte romániu, la dómina medieval, personaxes populares del subconsciente coleutivu…

Ye un montax sobre too d’aición y aventura, onde l’espeutador, amás de familiarizase coles carauterístiques del entornu históricu, va identificase cola actitú del protagonista qu’evolucionará, nuna especie de ritu de pasu, del so mieu y folgazanería a compromisu y valentía p’afrontar les dificultaes. Too ello nun ambiente entrañable y prestosu.

 

Ficha téunica:
 Pere: Daniel López
 Mina: Arancha Fernández
 Madre, Busgosu, Xana: Inma Rodríguez
 Santiago, peregrino: Antón Caamaño
 Dramaturxa: Inma Rodríguez / Toño Caamaño
 Direición: Inma Rodríguez
 Diseñu escenografía: P. Nun Tris
 Espaciu sonoru: Toño Caamaño
 Diseñu d’illuminación: Andrés P. Dwyer
 Diseñu graficu: Gloria Caamaño
 Vistimienta: P. Nun Tris.

 Representante en xira: Inma Rodriguez

Edaes recomendaes: de 8 a 12

Idioma: Asturianu o Castellán

 

Descarga ficha del espectaculo aquí: Ficha

 

Vídeo de la función: