La serva padrona (1733), (títulu orixinal n'italianu) ye un intermezzo, en dos partes, con música de Giovanni Battista Pergolesi y llibretu n'italianu de Gennaro Antonio Federico, a partir de la obra de teatru de Jacopo Angello Neli.
Considérase la primer obra maestra del xéneru cómicu (ópera bufa). Resulta curiosa porque cualquier audiencia podría identificase colos sos personaxes: l'astuta doncella y el señor qu'avieya.
La partitura orixinal de Pergolesi estrenóse en 1733, y pue asitiase nel tránsitu del Barrocu al Clasicismu. De mano concibióse como un intermezzo, pero gracies a la so calidá y aceptación pasó a interpretase por sí sola. Tamos falando, poro, d'una partitura bien desixente y complicada para los cantantes, a pesar de la so curtia duración.
En cuanto al rexistru interpretativu teatral, trátase claramente d'una pieza de Commedia de’ll arte.
Argumento
La hestoria cunta cómo Uberto, un vieyu solterón, ta enfermu y provecíu cola so doncella, Serpina, porque ella nun-y traxo'l chocolate güei. Serpina volvióse tan sobeyosa que cree que ye la dueña de la casa. Quéxase nel aria "Sempre in contrasti" (Siempres en griesca). Ello ye que cuando Uberto la llama pidiéndo-y el so sombreru, peluca y abrigu, Serpina prohíbe-y abandonar la casa, añediendo que d'entós d'equí p'arriba él tien qu'obedecer los sos ordes ("Stizzoso, mio stizzoso" (Rabiscu, que rabiscu). Uberto entós ordena a Vespone que-y atope una muyer para casase de manera que pueda llibrase de Serpina.
Serpina convence a Vespone, el criáu d'Uberto, pa engañalu y que se case con ella. Faise pasar por un soldáu que quier casase con ella. Serpina informa a Uberto que se va a casar con un militar llamáu Tormenta. Ella va dexar la casa y píde-y perdón pol so comportamientu ("A Serpina penserete" / A Serpina estrañaréis). Llega Vespone, amarutáu de Tormenta, y, ensin dicir una palabra, desixe 4.000 corones como dote. Uberto refuga pagar tal suma. Tormenta amenácialu: o paga la dote o se casa cola moza él mesmu. Uberto amuésase conforme en casase con Serpina. Serpina y Vespone revelen el trucu; pero Uberto dase cuenta de qu'amó a la moza dende'l principiu. van casase, dempués de too; y Serpina va ser agora la verdadera patrona de la casa ("Caro, Gioia").
Motivaciones de la compañía:
La compañía caltien una llínea de producción na que la música y en concretu la llírica gocia de gran presencia. Como exemplos recién podemos citar Xuanón namoráu, L’audición, pa escolinos, la zarzuela La Promesa, o la ópera de Mozart Los amorinos de Bastián y Bastiana. Para ello cúntase siempres con cantantes que pudieren asumir con solvencia roles desixentes téunicamente, preferentemente mozos, y cola mesma política que se sigue dende la compañía p'actores y actrices. En munchos casos son titulaos o titulaes nel Conservatoriu, o caltienen actividá regular en coros o agrupaciones; ye'l casu ente otros de Vanessa del Riego, Pablo Romero, Vanesa R. Touza, Susana Gudín, Carlos Rodríguez…
Per un sitiu, interésanos siguir proponiendo montaxes onde se trabaye de dalguna manera l'aspeutu llíricu, y siguir el cercu de los enantes citaos. Nesta ocasión trátase d'una ópera de pequenu formatu ideal pa públicu infantil o familiar, na llínea de l'anterior Los amorinos…, que tuvo una acoyida escelente.
Per otra parte, la ópera clásica trátase d'un xéneru que sigue ensin ser demasiao accesible pal públicu, y por ello plantégase un pequenu formatu, d'ópera de cámara, que sía prácticu y adaptable a distintos espacios y públicos.
Ficha técnica
Repartu:
Serpina: Susana Gudín, cantante y artista polifacética; solista del grupu Taranus, qu'amás trabaya cola compañía nos espectáculos Xuanón namoráu y Ente burlles y veres. Lope de Rueda,.
Uberto: Juan Salvador Trupia. Cantante (Barítonu), y profesor de técnica vocal. Formó parte de la plantiya del Coru del Teatru Colón de *Bs.As., onde representa tamién papeles solistes en delles óperes. Anguaño forma parte del Coru de la Ópera d'Uviéu.
Vespone: Inma Rodríguez. Antropóloga, actriz y directora d'escena, cofundadora de la compañía, cola que realizó más de cincuenta estrenos dende 1997, actuando o dirixiendo davezu en gran parte d'ellos (La estrada, El criáu de dos amos, Xuanón namoráu, Bah.r (la mar), Llibertá, llibertá, llibertá…)
Música (en directu):
Pianu: Mario Álvarez, Maestru Repetidor nel coru de la Ópera d'Uviéu, y que trabaya cola compañía en Los Amorinos de Bastián y Bastiana y en Xuanón namoráu
Adaptación, traducciones y dirección d'escena:
Antón Caamaño. Doctor n'Artes Escéniques. Actor y director d'escena. Cofundador de la compañía, cola que lleva estrenaos más de cincuenta espectáculos, actuando o dirixiendo davezu en gran parte ellos. (Iphigenia, Cocinando con Elisa, Los amorinos de Bastián y Bastiana, La muerte y la doncella…)
Escenografía, lluz y vestuariu: Producciones Nun Tris
Ayudante dirección: Inma Rodríguez
Traducción al asturianu y castellán: Antón Caamaño