Bah.r (El mar)

L'espectáculu:

La hestoria céntrase nun viaxe d'ida y vuelta, un viaxe interior. Isadora va escontra lo desconocío y atopa un mundu fascinante: el desiertu, onde viven persones nun ambiente social y xeográfico distintu.

Averámosnos al mundu de la falta de llibertá, de la vida en campamentos de refuxaos, pero nun ye una hestoria murnia; la neña protagonista, Tekber, xuega con un camellín y llanta nun pequeñu güertu…

Una hestoria tienra y evocadora onde'l pasu d'un llau a otru ye tan cenciellu como'l soníu d'una carraca.

Hai un elementu imprescindible que xune a la viaxera y la neña saharagüi: les cartes. Ye una forma d'esbillar la unión ente los dos mundos reales el nuesu y el del desiertu onde vive Tekber.

Esti espectáculu creóse para visibilizar la problemática d'un pueblu pa nós cercanu, el pueblu saharagüi que por cuestiones ayenes a la so voluntá foi espulsáu de la so tierra; robáron-y la so forma de vida, el mar…

Cuntarémoslo d'una forma lúdica, ensin moralina; a la fin vamos poder concluyir que lo más importante pal ser humanu ye la llibertá.

 

IDIOMA de la representación: N'ASTURIANU o EN CASTELLÁN 

 

FICHA TÉCNICA: 

  • Isadora: Arantxa Fernández
  • Músicu: Antón Caamaño
  • Idea orixinal y direición: Inmaculada Rodríguez

 

FICHA RESUME DEL ESPECTÁCULO: Descargar equí

Vidiu de la función completa: